అత్యాచారం కేసులో జైలు నుంచి విడుదలై సంబరాలు చేసుకున్న నిందితులు!!

అత్యాచారం కేసులో కొందరు నిందితులను పోలీసులు అరెస్టు చేశారు. కొన్ని రోజుల పాటు నిందితులంతా జైలు జీవితాన్ని గడిపారు. ఇపుడు బెయిలుపై విడుదలయ్యారు. తామోదో ఘనకార్యం చేసి జైలుకెళ్లి విడుదలైనట్టుగా భావించిన ఆ కామాధులు.. ఓపెన్ టాప్ కారులో ఊరేగుతూ సంబరాలు జరుపుకున్నారు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అవుతోంది. 

కర్నాటక రాష్ట్రంలోని హవేరిలో ఓ యువతిపై లైంగికదాడికి తెగబడినందుకుగాను అఫ్తాబ్, మదర్ సాబ్, సమీవుల్లా, మొహ్మద్ సాధిక్, తౌసీఫ్, రియాజ్, షోయబ్‌లను ఇటీవల పోలీసులు అరెస్టు చేశారు. వీరికి కర్నాటక రాష్ట్రంలోని హవేరి కోర్టు ఇటీవల బెయిల్ మంజూరు చేసింది. దీంతో జైలు నుంచి విడుదలయ్యారు.

నిజానికి ఈ కామాంధులు చేసిన పనికి తలదించుకోవాల్సి వుంది. కానీ, తామేదో ఘనకార్యం చేసినట్టుగా భావించి సంబరాలు జరుపుకోవడం చూస్తుంటే మరోవారు ఆడబిడ్డ దొరికితే ఈ కామాంధులు వదిలిపెడతారా? అనే సందేహం కలుగుతోంది. ఇంకో ఆడపిల్లను అత్యాచారం చేసినా మహా అయితే జైలు, కోర్టు బెయిల్. ఆ తర్వాత ఇలాగే సంబరాలు జరుపుకుంటారని పలు మహిళా సంఘాల ప్రతినిధులు  వాపోతున్నారు.