గోళ్ళు మన ఆరోగ్యానికి సూచికలు. చేతి గోళ్ళు, కాళ్ళ గోళ్ళలో మార్పులు ఆరోగ్యాన్ని, అనారోగ్యాన్ని చూసిస్తాయి. గోళ్లు మన ఆరోగ్యానికి ప్రతిబింబంగా చెబుతుంటారు. ఎందుకంటే గోళ్ళను చూసి మన ఆరోగ్యం ఎలా ఉందో గుర్తించవచ్చు. గోళ్లు పాలిపోయినట్లుగా ఉంటే రక్తహీనత, అదే గోళ్లు లేత గులాబీ రంగులో ఉంటే రక్తం తగినంత ఉందని అర్థం. అలాంటి గోళ్ళను కాన్వాసుగా మార్చుకోవడం ఎలాగో పరిశీలిద్ధాం.
నెయిల్‌ ఆర్ట్‌లో ప్రస్తుతం ఫ్లోరల్‌ డిజైన్స్‌ ట్రెండ్‌ నడుస్తోంది. నియోన్‌, కూల్‌ రంగుల నెయిల్‌ పాలిష్‌లను ఉపయోగించి గోళ్ళపై రకరకాల పూలను డిజైన్‌ చేసుకోవచ్చు. వ్యక్తిత్వం, మూడ్‌, వేడుకను బట్టి కూడా ఫ్లోరల్‌ డిజెన్లను గోళ్ళపై వేసుకోవచ్చు. మెనిక్యూర్‌ చేసిన తర్వాత గోళ్లను హైలైట్‌ చేస్తూ వాటిపై నచ్చిన పువ్వులను వేస్తే ఆ లుక్కే వేరు. అప్పుడు చేతికున్న పది వేళ్లు పది కాన్వాసులను తలపిస్తాయి.
* ఒక గోరుపై పూలు వేయాలంటే చుక్కల కోసం చిన్న పిన్ను, స్లెండర్‌ డిజైన్‌ బ్రష్‌, మూడు నెయిల్‌ పాలిష్‌ రంగులు అవసరమవుతాయి.
* చెర్రీ బ్లజమ్‌, తులిప్స్‌, రోజ్‌... ఇలా ఏ పూలు వేయాలనుకుంటున్నారో ముందే ఊహించుకుని, వాటికి తగ్గ నెయిల్‌ పాలిష్‌ రంగులను ఎంపిక చేసుకోవాలి.
