పనీర్‌ కోకోనట్ రోటీలకు నంజుకుని తింటే సూపర్‌గా వుంటుంది. గుండె సంబంధిత సమస్యలకు చెక్ పెట్టే పనీర్‌తో కోకోనట్ కలిపి తీసుకుంటే టేస్ట్ అదిరిపోద్ది. పిల్లలు ఇష్టపడి తినే ఈ వంటకాన్ని ట్రై చేసి చూడండి.
కావలసిన పదార్థాలు : పనీర్‌ - 200 గ్రాములు ఉల్లిపాయ ముక్కలు (సన్నగా తరగాలి) - అరకప్పు జీలకర్ర - చిటికెడు నూనె - తగినంత కొబ్బరి పొడి - నాలుగు టీ స్పూన్లు క్రీమ్‌ - రెండు టేబుల్‌ స్పూన్లు. పుదీనా పేస్ట్‌ - రెండు టీ స్పూన్లు. ఫుడ్‌ కలర్‌(గ్రీన్‌) - చిటికెడు.
తయారీ విధానం : పనీర్‌ను వెడల్పుగా టిక్కాల కోసం కట్‌ చేసుకున్నట్లుగా కట్‌ చేసి పక్కన పెట్టుకోవాలి. బాణలిలో రెండు స్పూన్ల నూనె వేసి వేడి చేసి ఉల్లిపాయ ముక్కలను, జీలకర్రను వేసి వేయించాలి. ఇవి రెండూ వేగిన తరువాత కొబ్బరి పొడి, క్రీమ్‌ వేసి సన్న మంట మీద వేయించాలి. ఇవన్నీ గ్రేవీ అయిన తరువాత అందులో పనీర్‌ ముక్కలను వేయాలి. చివరిగా పుదీనా పేస్ట్‌ వేసి కలిపితే పనీర్‌ కోకోనట్ రెడీ. ఈ గ్రేవీని రోటీల్లోకి నంజుకుని తింటే టేస్టీగా వుంటాయ్.
