కర్కాటక లగ్నములో జన్మించిన జాతకులకు చంద్రుడు లగ్నాధిపతి కావున జాతక చక్రములో కోణములో వున్నచో లేదా ఏకాదశము (ఉచ్ఛస్థితి ) పొందినట్లైతే వెండితో ముత్యమును పొదిగించుకుని ధరించాలి.
అలాగే ఈ జాతకులకు కుజుడు పంచమ దశమాధిపతి కావున జాతకచక్రములో కేంద్రములో వున్నచో వెండిలో పగడమును పొదిగించుకుని ధరించడం మంచిది. ఇక ఈ జాతకులు బంగారములో కనకపుష్యరాగంను పొదిగించుకుని కూడా ధరించవచ్చును.
అయితే ఈ జాతకులు బుధుడు తృతీయాధిపతి కావడంతో జాతిపచ్చను ధరించకూడదు. అలాగే శుక్రుడు చతుర్ధ ఏకాదశాధిపతి అగుటచే వజ్రమును ధరించరాదని రత్నాల శాస్త్ర నిపుణులు చెబుతున్నారు.
