పుష్యరాగం ధరిచడం ద్వారా గొప్ప స్థానాలను అలంకరిస్తారని రత్నశాస్త్ర నిపుణులు అంటున్నారు. పసుపు వన్నెగల పుష్యరాగం గురు గ్రహానికి వర్తిస్తుంది. మీనం, ధనుస్సు గురుని రాశులు. పునర్వసు, విశాఖ, పూర్వాభాద్ర గురు నక్షత్రాలు. 3, 12, 21, 30 తేదీలు కూడా గురు గ్రహానికి వర్తించే అంకెలని వారు చెబుతున్నారు.
కాబట్టి పై రాశులు, లగ్నాలు, నక్షత్రాలు, తేదీలలో జన్మించిన వారు పుష్యరాగం ధరించడం శుభప్రదం. జనన కాలంలో గురువు పాప స్థానాలలో, దుర్బల స్థానాలలో వుండగా జన్మించిన వారు గానీ, గురు మహాదశలో నడుస్తున్న జాతకులు కూడా ఈ రత్నాన్ని ధరించవచ్చునని రత్నాల శాస్త్రం పేర్కొంటుంది.
ఇక పుష్యరాగం ధరించడం ద్వారా కలిగే ఫలితాలను పరిశీలిస్తే.. మంత్రి పదవి, ఉన్నత విద్య, అధ్యాపక వృత్తులవారు, రాజకీయ నాయకులు, న్యాయ, ఆధ్యాత్మిక రంగాల్లోని వారు పుష్యరాగం ధరించడం అనుకూలం. విజ్ఞానం, కీర్తి, సంతాన ప్రాప్తి, ఆదాయం పెరుగుదలకు, పుత్ర సంతానానికి పుష్యరాగ ధారణ అనుకూలమని రత్నాల శాస్త్ర నిపుణులు అంటున్నారు.
