ఏదైనా కారణం వలన నాడీ వ్యవస్థ దెబ్బతింటే నిస్త్రాణ, మతిమరుపు, అనాశక్తి, చికాకు, క్షణకోద్రేకం వంటి లక్షణాలు కనిపిస్తాయి. ఇలాంటి ఇబ్బందులు రాకుండా ఉండాలంటే రోజుకో ఆపిల్ తీసుకోవాలని వైద్యులు సూచిస్తున్నారు.
యాపిల్‌లోని మిటమిన్‌ ఎ, సి, ఫాస్పరస్‌, పొటాషియంలతో పాటు ఖనిజ లవణాలు ఆరోగ్యానికి దోహదపడతాయి. ఆపిల్‌లో పిండి పదార్థాలు, మాంసకృత్తులు, క్రొవ్వులు అతి తక్కువగా ఉంటాయి. ఇవి బరువును పెరగనీయకుండా చేస్తాయి.
ఆపిల్‌ను ముక్కలుగా కొరికి తింటేనే మంచిది. దీనివల్ల దంతాలు, చిగుళ్ళు బలపడతాయి. దంతాల మీది ఎనామిల్‌ కూడా ఎక్కువకాలం దెబ్బతినకుండా ఉంటుంది. రోజుకో ఆపిల్ తింటే నోటి దుర్వాసన సమస్య రాదనీ, ఉన్నా తగ్గుతుందని వైద్యులు చెప్తున్నారు.
