ముఖానికి బాదం పప్పుల పేస్టును రాస్తే?

చర్మసౌందర్య సాధనాలలో బాదంను విరివిగా వాడుతారు. చర్మకాంతిని సంతరించుకోవాలంటే.. రాత్రి పాలలో నానబెట్టిన బాదం పప్పుల్ని ఉదయాన్నే  పేస్టు చేసి.. ముఖానికి రాసుకుని నీటితో శుభ్రం చేసుకుంటే చర్మం తళతళ మెరిసిపోతుంది. అలాగే జుట్టు రాలుతుంటే.. వారానికి ఓసారైనా బాదం నూనెను తలకు పట్టించాలి.

ఇలా చేస్తే జుట్టు తేమని సంతరించుకుంటుంది. మాడు పొరిబారకుండా చేస్తుంది. జుట్టు రాలటం కూడా తగ్గుతుంది. బాదం తినటం వలన కూడా జుట్టు ఆరోగ్యంగా ఉంటుంది. ఇంకా బాదంలో ఎన్నో ఆరోగ్య ప్రయోజనాలున్నాయి. 

రోజు బాదం గింజలు తీసుకుంటే వైరల్ ఇన్ఫెన్లతో పోరాడే సామర్థ్యం పెరుగుతుంది. పెద్ద ప్రేగు కాన్సర్ నియంత్రణలోనూ బాదం చురుకుగా పని చేస్తుంది. ఒబిసిటీ వేధిస్తుంటే కొలెస్ట్రాల్ నియంత్రించటానికి ప్రతి రోజూ ఉదయం రెండు లేదా మూడు బాదంపప్పులు తినాలి.

రోజు పావు కప్పు బాదంపప్పు తింటే ఆ రోజుకు అవసరమైన విటమిన్ 'ఇ' సగం లభించినట్టే. ఇందులోని బి విటమిన్లు ఒత్తిడిని దూరం చేస్తాయి. బాదంలో శాచురేటెడ్ కొవ్వు శాతం తక్కువ కావటంతో ఇవి బరువును కూడా తగ్గిస్తాయి. ఆరోగ్య నిపుణులు సూచిస్తున్నారు.