మెదడు చురుగ్గా పనిచేయాలంటే.. చేపలు ఆహారంలో చేర్చుకోవాలని ఆరోగ్య నిపుణులు సూచిస్తున్నారు. చేపల్లో వుండే ఒమేగా-3 కొవ్వు ఆమ్లాలు మెదడు అభివృద్ధికి తోడ్పడుతాయి. దెబ్బతిన్న నాడీవ్యవస్థను మరమ్మతు చేయడానికి చేపలు ఉపయోగపడతాయి. మానసిక ఒత్తిడితో ఇబ్బందులు పడుతున్న వారు చేపలు తింటే మానసిక ఆందోళనలను దూరం చేసుకోవచ్చు.
ప్రస్తుతం ఒమేగా-3 సప్లిమెంట్లు అందుబాటులో వున్నా వాటిని పక్కనబెట్టి ఆహార రూపంలో ఒమెగా-3 ఫ్యాటీ యాసిడ్స్ తీసుకుంటే ఆరోగ్యానికి ఎంతో మేలు చేకూరుతుందని ఆరోగ్య నిపుణులు సూచిస్తున్నారు. మెదడు చురుగ్గా పనిచేయాలంటే.. చేపలతో పాటు ఫ్లాక్స్ సీడ్స్, డ్రై ఫ్రూట్స్ తీసుకోవచ్చు.
అలాగే ఒత్తిడి నుంచి ఉపశమనం కలిగాలంటే.. యోగా, ధ్యానం వంటివి చేయాలి. వారంలో ఓ రోజు ఒత్తిడికి దూరంగా వుండాలి. రోజువారీ ఆలోచనలను పక్కనబెట్టేయాలి. సరదాగా గడపాలి. పాటలు వినాలి. ఒత్తిడి పెంచుకోకుండా ఉండాలి. రోజుకు రెండు నుంచి మూడు కప్పుల వరకు కాఫీ తాగొచ్చు.
