వెల్లుల్లిలో యాంటీ యాక్సిడెంట్స్ ఎక్కువగా ఉండటం వల్ల అనేక అనారోగ్యాలను దూరం చేస్తాయని ఆరోగ్య నిపుణులు అంటున్నారు. సర్జరీ చేయించుకోవాలని అనుకునే వారు వెల్లుల్లిని సర్జరీకి రెండు వారాల ముందు నుండే తీసుకోవడం మానేయాలి. ఇలా చేయకపోతే రక్తస్రావం అధికమయ్యే అవకాశం ఉంది. అలాగే తక్కువ రక్తపోటుతో బాధపడే వారు కూడా తినకూడదు. వెల్లుల్లిలో రక్తపోటును తగ్గించే గుణం ఉంటుంది.
రోజూ వెల్లుల్లి తినడం వల్ల ఆరోగ్యకరమైన లైంగిక జీవనాన్ని కొనసాగించగలుగుతారు. వెల్లుల్లి గ్లూకోజ్‌ టాలరెన్స్‌ను మెరుగుపరుస్తుంది. కొన్ని వెల్లుల్లి రెబ్బలను తీసుకుని వాటిని గుజ్జులా చేసి గ్లాసుడు గోరువెచ్చటి నీళ్లతో నోట్లో వేసుకుని మింగేయాలి. ఇలా చేయడం వల్ల బ్లడ్‌ షుగర్‌ తగ్గుతుందని ఆరోగ్య నిపుణులు అంటున్నారు.
