తోటకూర తినడం ద్వారా ఆరోగ్యానికి ఎంత మేలో తెలుసుకుందాం.. పిల్లలు పుష్ఠిగా, బలంగా పెరగాలంటే.. ఎముకలకు బలాన్నిచ్చే తోటకూరను ఆహారంలో చేర్చుకోవాలని ఆరోగ్య నిపుణులు సూచిస్తున్నారు. వృద్ధులు, మూడు పదుల వయస్సు దాటినవారు.. వయోబేధం లేకుండా తోటకూరను రోజుకో కప్పు ఆహారంలో చేర్చుకుంటే.. ఎముకలకు మేలు చేసినవారవుతారు.
ఎముకల బలం తగ్గడం, ఎముకల అరుగుదల వంటి సమస్యలను దూరం చేసుకోవాలంటే.. రోజు తోటకూరను ఆహారంలో భాగం చేసుకోవాలి. తోటకూరతో పాటు గోంగూర, మునగాకును ఆహారంలో చేర్చుకుంటే.. ఎముకలు బలపడతాయి.
తోటకూర రసం అరగ్లాసు లేదా గ్లాసుడు తీసుకుని రెండు స్పూన్ల అల్లం రసం చేర్చి.. అర స్పూన్ బ్రౌన్ షుగర్ చేర్చి మరిగించి.. వడగట్టి రోజూ ఓ స్పూన్ మేర 48 రోజులు తీసుకుంటే.. ఎముకలకు సంబంధించిన రోగాలు దూరమవుతాయి. ఎముకల్లో క్యాల్షియం శాతం పెరుగుతుంది. తోటకూరలో ఇనుము, విటమిన్ ఎ, సీ, క్యాల్షియం పుష్కలంగా వున్నాయి.
పీచు, ఫాస్పరస్, పొటాషియం, విటమిన్ డికి తోటకూరలో లోటుండదు. బరువు తగ్గాలనుకునేవారు తోటకూరను ఆహారంలో చేర్చుకోవాలి. హైబీపీని తోటకూర తగ్గిస్తుంది. కొలెస్ట్రాల్‌ను తొలగిస్తుంది. వ్యాధినిరోధక శక్తిని పెంచుతుంది.
ఇకపోతే.. ఓ పాత్రలో వెన్న రెండు స్పూన్లు చేర్చి.. మునగాకు ఓ గుప్పెడు అందులో చేర్చి వేయించాలి. ఇందులోనే రాగిపిండి, ఉప్పు, మిరియాల పొడి చేర్చి ఉడికించాలి. ఇలా ప్రతీరోజూ మునగాకును వెన్నలో వేయించి తీసుకుంటే.. మెడనొప్పి, నడుము నొప్పి మాయమవుతాయని ఆయుర్వేద నిపుణులు సూచిస్తున్నారు.
