బరువు పెరగమని.. డయాబెటిస్ వేధించదని.. అల్పాహారంలో ఓట్స్ లాగిస్తున్నారా? ఓట్స్‌తో తయారైన వంటకాలను బ్రేక్ ఫాస్ట్‌గా తీసుకుంటున్నారా? అయితే ఒక్క నిమిషం ఆగండి. ఉదయాన్నే ఓ కప్పు ఓట్స్ తింటే శరీరంలోని కొవ్వు తగ్గుతుందని, రక్తంలో చెడ్డ కొలెస్ట్రాల్‌ శాతం తగ్గుతుందని చాలా మంది అనుకుంటున్నారు. వైద్యులు కూడా ఓట్స్ తినమని సలహా ఇస్తారు.
నిజానికి ఓట్స్ మంచిదే. కానీ ఓట్స్ పండించే క్రమంలో వాడే క్రిమి సంహారకాలు ఓట్స్‌లో నిల్వ ఉంటున్నాయని, అవి అత్యంత ప్రమాదకరమైన క్యాన్సర్‌ కారకాలని తాజా అధ్యయనంలో తేలింది. మోన్‌శాంటో కంపెనీ తయారు చేసే పురుగుమందుల అవశేషాలు అనేక ఆహార పదార్థాల్లో మిగిలిపోతునట్లు పరిశోధనల్లో వెల్లడైంది.
మొక్కజొన్న, సోయాబీన్స్‌ జన్యుపరంగా హెర్బిసైడ్లతో సంబంధం కలిగి వున్నప్పటికీ వృద్ధి చెందడానికి ఉపయోగించబడుతుంది. గ్లైపోసాట్ పంటల్లో పురుగుల్ని చంపేస్తుంది. అయితే ఈ గ్లైపోసాట్ రసాయనాలు వోట్స్‌లో నిల్వ వుండిపోతాయని ఇవి ప్రమాదకరమని పరిశోధనలో వెల్లడి అయ్యింది.
