పరగడుపున శీతల పానీయాలు తీసుకోవడం.. కూల్ డ్రింక్స్‌ను తాగడం వంటివి చేస్తే.. అందులోని ఆమ్లాలతో వికారం, వేవిళ్లు తప్పవని ఆరోగ్య నిపుణులు హెచ్చరిస్తున్నారు. ఈ ఆమ్లాల ప్రభావం జీర్ణాశయంపై పడుతుందని వారు సూచిస్తున్నారు. అలాగే పండ్లు కూడా పరగడుపున తీసుకోకూడదు. ముఖ్యంగా అరటిపండ్లు తీసుకోవడం వద్దు. అరటిలోని మెగ్నీషియం ఉదయం పూట ఎక్కువ మోతాదులో శరీరానికి అందటం మంచిదికాదు.
చాలామంది ఉదయం నిద్రలేవగానే కాఫీ, టీ లను తాగుతుంటారు. ఉదయం వాటిని తాగడం మంచిదే అయినా పరగడుపున తాగడం మంచిది కాదని, ఈ విధంగా తాగడం వల్ల హార్మోన్లు అన్‌ బ్యాలెన్స్‌ అవుతాయి. గ్లాస్ నీటిని తాగితే తర్వాతే కాఫీలు, టీలు తాగడం మంచిది.
