రక్తంలో గ్లూకోజ్ స్థాయిలను నియంత్రిస్తుంది. అరటికాయలోని ఫైబర్ అజీర్తికి చెక్ పెడుతుంది. జీర్ణక్రియకు తోడ్పడుతుంది. ఇందులో వుండే ఇనుము, పిండిపదార్థాలు ఆరోగ్యానికి ఎంతో మేలు చేస్తాయి. అరటికాయ ఆకలిని నియంత్రిస్తుంది. ఇంకా అరటికాయతో పాటు మిరియాలు, జీలకర్ర చేర్చి వండితే ఎంతో మంచిది. అరటికాయను తీసుకుంటే కడుపులో మంట, నోటిలో నీరు చేరడం, దగ్గు వంటి రుగ్మతలను దూరం చేసుకోవచ్చు.
డయాబెటిస్ పేషెంట్లు మధ్యాహ్నం పూట తీసుకునే ఆహారంలో అరటికాయను తీసుకోవడం మంచిది. అరటికాయ పైనున్న తొక్కను తొలగించి పచ్చడిలా నూరి అన్నంతో కలిపి తీసుకుంటే మంచి ఫలితం వుంటుంది. దీనిని తీసుకుంటే రక్తవృద్ధి, శారీరక బలం చేకూరుతుంది.
శరీరంలోని ట్యాక్సిన్లను తొలగించి.. క్యాన్సర్ కణతులను ఏర్పడకుండా చేస్తుంది. అరటికాయలో విటమిన్లు, క్యాల్షియం, మెగ్నీషియం పుష్కలంగా వున్నాయి. ఇవి ఎముకలకు బలాన్నిస్తాయి. అంతేగాకుండా మోకాళ్ల నొప్పిని నయం చేస్తాయని ఆరోగ్య నిపుణులు సూచిస్తున్నారు.
