టమోటాలు లేని వంటకాలు అంతగా రుచించవంటారు. ఎర్రటి టమోటాలు అందరి మనసులను దోచుకుంటాయనడంలో సందేహం లేదు. ఆరోగ్యానికి ఉపయోగపడే పలు పోషక విలువలున్న ఈ టమోటాను తీసుకుంటే ఎసిడిటీ నుంచి ఉపశమనం పొందవచ్చును. ఇందులో క్యాల్షియం, పాస్పరస్, విటమిన్ సి పుష్కలంగా ఉంటాయి.
టమోటాతో కార్బోహైడ్రేట్స్ తక్కువగా ఉండటం వలన ఉత్తమమైన ఆహారంగా పరిగణించవచ్చని ఆరోగ్య నిపుణులు సూచిస్తున్నారు. దీనిని తీసుకోవడం వలన జీర్ణశక్తి పెరుగుపడుటకు సహాయపడుతుంది. బరువును నియంత్రిచేందుకు చాలా ఉపయోగపడుతుంది. కంటి జబ్బులకు టామోటాల్లో ఉన్న విటమిన్ ఏ అధికంగా ఉండటంతో కంటి జబ్బులకు దివ్యౌషధంగా పనిచేస్తుంది. టమోటాలు విరివిగా తీసుకునే వారిలో వ్యాధి నిరోధక శక్తి పెరుగుతుందంటున్నారు ఆరోగ్య నిపుణులు.
