కొర్రలలో గల అమైనో యాసిడ్స్ దెబ్బతిన్న కణాలను నయంచేసేందుకు సహాయపడుతాయి. గర్భిణీ మహిళలు వీటిని తరచుగా తీసుకోవడం కడుపులో శిశువు ఆరోగ్యానికి చాలా ఉపయోగపడుతుంది. అదే సమయంలో పాలిచ్చే తల్లులకు పాలు పడేలా చేస్తాయి. కొర్రలలో బి1, బి2, బి5, బి6 వంటి విటమిన్స్ అధికంగా ఉంటాయి.
కొర్రలలో గల పొటాషియం రక్తపోటును నియంత్రించేందుకు సహాయపడుతుంది. వీటిల్లో గల మెగ్నిషియం, ఐరన్, జింక్ వంటి ఖనిజాల వలన జుట్టు ఒత్తుగా పెరడమే కాకుండా చర్మం సౌందర్యానికి కూడా ఉపయోగపడుతాయి. శరీరంలోని కొవ్వును తగ్గించుటకు దోహదపడుతాయి. కొర్రలలో పాస్పరస్ ఎముకల బలాన్ని పెంచుతాయని ఆరోగ్య నిపుణులు సూచిస్తున్నారు.
