స్ట్రాబెర్రీలలో ఫైబర్ పుష్కలంగా ఉంటుంది. ఇది పొట్టలోని కొవ్వును కరిగించడంలో మంచిగా సహాయపడుతుంది. బరువు తగ్గాలనుకునే వారికి స్ట్రాబెర్రీలు బాగా పనిచేస్తాయి. 100 గ్రాముల స్ట్రాబెర్రీలను తీసుకుంటే కేవలం 33 క్యాలరీలు మాత్రమే లభిస్తాయి. అందువలన క్యాలరీలు ఎక్కువగా లభిస్తాయనే దిగులు లేకుండా నిర్భయంగా వీటిని రోజూ తీసుకోవచ్చును.
జీర్ణ సమస్యలతో సతమతమయ్యే వారు స్ట్రాబెర్రీలను తీసుకుంటే మంచి ఫలితాలను పొందవచ్చును. అజీర్ణం, గ్యాస్, అసిడిటీ వంటి సమస్యల నుండి విముక్తి చెందవచ్చును. శరీరంలో ఉండే వ్యర్థ పదార్థాలను బయటకు పంపుటకు ఈ స్ట్రాబెర్రీలు చాలా ఉయోపడుతాయి. హార్మోన్ల పనితీరును క్రమబద్దీకరించే ఎల్లాజిక్ యాసిడ్ స్ట్రాబెర్రీలో పుష్కలంగా ఉంటుంది. ఇవి అడిపోనెక్టిన్ అనే హార్మోన్స్‌ను ఉత్పత్తి చేస్తాయి.
