పవిత్ర గంగానది హిందువుల మతం, విశ్వాసం, స్వచ్ఛతలకు ప్రధాన సూచికగా భావిస్తారు. పురాతన కాలం నుంచి మతపరమైన, పవిత్రమైన కార్యక్రమాలకు గంగానది జలాలను ఉపయోగిస్తూ వస్తున్నారు.
ముఖ్యంగా కుటుంబంలో ఎవరు జన్మించినా, ఎవరైనా మృతి చెందినా గంగాజలాన్ని వారిపై చల్లితే పవిత్రులవుతారనే ప్రగాఢ విశ్వాసం ఉంది. అందుకే ఈ గంగాజలాన్ని తమ ఇళ్ళలో, దేవుని పటాల వద్ద పెట్టుకుని పవిత్రమైనదిగా భావిస్తూ పూజిస్తుంటారు. పైగా, ఈ నీరు ఎన్ని రోజులైనా పాడవ్వదంటారు. అలాంటి పవిత్రమైన గంగాజలంపై ఉన్న నమ్మకాలను ఓ సారి తెలుసుకునే ప్రయత్నం చేద్దా.
అలాగే, మరణానంతరం అస్తికలను గంగానదిలో కలపడం ద్వారా ఆత్మకు శాంతి కలుగుతుందని పెద్దల ప్రగాఢ నమ్మకం, విశ్వాసం కూడా. గంగానదిలో స్నానం ఆచరించడం వల్ల అటు ఏడు తరాలు, ఇటు ఏడు తరాలు పితృదేవతలు తరిస్తారట. అంతటి పవిత్రమైన జలాలు గంగానీరు. అలాంటి నది ఇపుడు కాలుష్య కోరల్లో చిక్కునివుంది.
