భవిష్యత్‌కు భరోసా కల్పించాలని కోరుతూ హాలీవుడ్ సినీ కళాకారులు, ప్రముఖులు సమ్మెబాటకు దిగారు. ఈ సమ్మె సైరన్ ఇపుడు కలకలం రేపింది. ఇందులో సుమారు 1.6 లక్షల మంది సినీ కళాకారులు సభ్యులుగా ఉన్న స్క్రీన్ యాక్టర్స్ గిల్డ్ నేతృత్వంలో యూనియన్ సభ్యులు పాల్గొన్నారు.
స్టూడియోలు, ఓటీటీ వేదికలతో తాము జరిపిన చర్చలు విఫలమయ్యాయని యూనియన్ తరపున చర్చల్లో పాల్గొన్న డంకన్ క్యాబ్రీ ఐర్లాండ్ మీడియాకు తెలిపారు. గత 12 వారాలుగా అక్కడి సినీ రచయితలు పిక్కెట్ లైన్స్‌లో నిరసన కార్యక్రమాలు చేస్తున్నారు. వారికి తోడుగా నటీనటులు కూడా తాజాగా రంగంలోకి దిగడంతో ఇపుడు హాలీవుడ్ చిత్ర పరిశ్రమ స్తంభించిపోయింది.
