హాలీవుడ్ నిర్మాత హార్వే వైన్ తనపై అత్యాచారానికి పాల్పడినట్లు గతంలో ఆరోపణలు చేసిన అర్జెంటో ప్రస్తుతం ఓ యువనటుడిని రేప్ చేసిందని తెలియడంతో అందరూ షాకవుతున్నారు. ఈ అత్యాచారాన్ని కప్పిపుచ్చేందుకు సదరు హీరోయిన్ విడతల వారీగా రూ.2 కోట్లు బాలనటుడికి అందజేసిందనే విషయం కాస్త లీక్ కావడంతో.. ఈ అంశంపైనే హాలీవుడ్ హాట్ హాట్‌గా చర్చ సాగుతోంది.
వివరాల్లోకి వెళితే.. హాలీవుడ్ సీనియర్ హీరోయిన్ ఏషియా అర్జెంటో, యువనటుడు, సంగీత దర్శకుడు అయిన జిమ్మీ బెనెట్‌పై అత్యాచారానికి పాల్పడినట్లు ఆరోపణలు వస్తున్నాయి. దాదాపు ఐదేళ్ల క్రితం జిమ్మీ 17 ఏళ్ల వయసులో ఉన్నప్పుడు అర్జెంటో అతడిపై అత్యాచారం చేసినట్లు తెలుస్తోంది. షూటింగ్‌లో భాగంగా ఇద్దరూ కలిసి పనిచేయడం కోసం.. ఓ హోటల్‌‌లో స్టే చేయాల్సి వచ్చింది.
