అంత‌రిక్షంలోనే ఏకంగా షూటింగ్ చేస్తున్న ఏకైక సినిమాగా ర‌ష్య ప్ర‌క‌టించింది. అక్టోబ‌ర్‌లో దీనికి సంబంధించిన ప‌నులు జ‌ర‌గ‌నున్నాయి. ఒక న‌టి, ద‌ర్శ‌కుడిని స్పేస్‌కు పంపేందుకు స‌న్నాహాలు చేస్తోంది. ఈ విష‌యాన్ని ఇటీవ‌లే ప్ర‌క‌టించింది. 35 ఏళ్ల యులియా పెరెసిల్డ్ ఈ చిత్రంలో నటించనున్నట్లు రష్యన్ వార్తా సంస్థ రియా నోవోస్టి గురువారం తెలిపింది. ఇది పూర్తిగా అంతరిక్షంలో చిత్రీకరించబడుతుంది 37 ఏళ్ల క్లిమ్ షిపెంకో దర్శకత్వం వ‌హించ‌నున్నారు. పెరెసిల్డ్ అనేక రష్యన్ సినిమాలు, టీవీ సిరీస్‌లలో ఆమె న‌టించింది. ద‌ర్శ‌కుడు షిపెంకో 2020 చిత్రం "సెర్ఫ్" రష్యాలో అత్యధిక వసూళ్లు చేసిన చిత్రాలలో ఒకటి.
