ఆస్కార్ అవార్డ్స్ షోను హోస్ట్ చేస్తున్న క్రిస్ రాక్, విల్ భార్య జాడా పింకెట్ స్మిత్‌పై వ్యంగ్యంగా కామెంట్స్ చేశాడు. ఈ మాటలను విన్న విల్ ముందు సరదాగానే తీసుకున్నా ఈ తర్వాత జాడా నొచ్చుకుందని భావించి నేరుగా ఆస్కార్ స్టేజి మీదకి వెళ్లి హోస్ట్‌ను లాగిపెట్టి ఒక్కటి పీకాడు.
ఈ సంఘటన జరిగిన కొద్దీ నిమిషాలకే, కింగ్ రిచర్డ్ సినిమాకుగానూ, విల్ స్మిత్ ఉత్తమనటుడిగా ఆస్కార్ పురస్కారాన్ని పొందటం విశేషం. తాను చేసిన పిచ్చి పనికి చాలా బాధపడుతున్నాననీ, ఈ మేరకు నా తోటి నటీనటులందరికీ క్షమాపణలు తెలుపుతున్నాననీ, కొందరి మీద ఉండే అపారమైన ప్రేమే మనల్ని ఇంతటి పిచ్చి పనులను చేయిస్తుందని విల్ చెప్పుకొచ్చాడు.
ఈ నేపథ్యంలో అకాడమీ స్పందించింది. ''హింస ఏ రూపంలో ఉన్నా అకాడమీ సహించదు. ఈ రాత్రి మా 94వ అకాడమీ అవార్డుల వేడుకలు జరగడం, విజేతల గుర్తింపు దక్కడంపై మేం సంతోషిస్తున్నాము. ప్రపంచవ్యాప్తంగా ఉన్న వారి సహచరులు, సినీ ప్రేమికుల నుండి ఈ క్షణానికి గుర్తింపు పొందారు (sic)'' అంటూ ట్వీట్‌ చేసింది అకాడమీ.
