మెులకలు ఆరోగ్యానికి చేసే మేలు అంతా ఇంతా కాదు. అన్ని వయసుల వారు ప్రాధాన్యం ఇవ్వాల్సిన ఆహారం ఇవి. పెసలు, బఠాణీలు, సెనగ మెులకల్లో ఉండే పోషకాలు గురించి తెలుసుకుందాం.
పెసల మెులకల్లో విటమిన్ సి, కె అధికంగా లభిస్తుంది. శరీరంలోని వ్యర్థాలను దూరం చేసే గుణాలున్నాయి. దీని పొట్టులో ఫొలేట్ అధికంగా ఉంటుంది. గర్భిణులకు, గర్భస్థ శిశువుకు ఇదెంతో సహాయపడుతుంది. దీనిని ఉదయాన్నే అల్పాహారంగా తీసుకోవాలి. అలాగని అతిగా తినకూడదు జాగ్రత్త. మొలకలు తీసుకోవడం వల్ల రోగనిరోధక శక్తి పెరుగుతుంది. శరీరంలోని బ్యాక్టీరియాలను దూరం చేస్తుంది.
బఠాణీలలో కార్బోహైడ్రేట్లు అధికంగా ఉంటాయి. వ్యాయామానికి ముందు వీటిని తీసుకుంటే ఎంతో శక్తి అందుతుంది. ఈ మెులకల్లో పీచు ఎక్కువగా ఉంటుంది. రక్తంలోని చక్కెర స్థాయిలు అదుపులో ఉంటాయి. చెడు కొవ్వును తొలగించుటలో ఉపయోగపడుతుంది. బరువు తగ్గాలనుకున్న వాళ్లు వీటిని తీసుకుంటే మంచిది. వీటిలోని పోషకాలు గుండె ఆరోగ్యానికి చాలా మంచిది.
