ఆకలిని పెంచే పండ్లు - రసాలు ఏవి?

చాలామందికి ఆకలి సరిగా వేయదు. జీర్ణక్రియ లోపం కారణంగా ఈ పరిస్థితి ఉంటుంది. విస్తర్లో పంచభక్ష్యపరమాన్నాలు ఉన్నప్పటికీ వాటిని ఆరగించేందుకు ఏమాత్రం మనసురాదు. అలాంటి వారు చిన్నపాటి చిట్కాలు పాటిస్తే కడుపునిండా లాగించవచ్చు. ఆ చిట్కాలేంటో పరిశీలిద్ధాం.

అల్లం : వికారం, అజీర్తికి అల్లం దివ్యౌషధంగా పనిచేస్తుంది. ప్రతి రోజూ 4-5 అల్లం ముక్కలను దవడన పెట్టుకుని నమిలి, ఆ రసాన్ని మింగుతూ ఉండాలి. దీనివల్ల క్రమంగా జీర్ణవ్యవస్థ పనితీరు మెరుగవుతుంది. ఆకలి కూడా బేషుగ్గా అవుతుంది. 

నిమ్మరసం : జీర్ణక్రియను వేగవంతం చేయడంలో నిమ్మరసం భలేగా పనిచేస్తుంది. శరీరంలోని వ్యర్థాలను తొలిగించి ఆకలి పుట్టేలా చేస్తుంది. ఆకలి మందగించినపుడు గ్లాసు నీళ్లలో కాస్త నిమ్మరసం పిండి, అందులో కొద్దిగా తేనె కలిపి తీసుకోండి. ఆకలి భేషుగ్గా ఉంటుంది. 

ఖర్జూరాలు : పోషక విలువులు మెండుగా ఉన్నా ఖర్జూరాలకు ఆకలి పుట్టించే గుణం కూడా ఎక్కువే. దీన్ని రసంలా చేసి కూడా తీసుకోవచ్చు. ప్రతి రోజూ నాలుగైదు ఖర్జూరాలు తింటే ఆకలిలేమి తీరిపోతుంది.

మెంతులు : పొట్టలో గ్యాస్‌ను బయటకు తోసేయడంలో మెంతులు బాగా పని చేస్తాయి. దీంతో ఆకలి పెరుగుతుంది. ప్రతి రోజూ మెంతిపొడిని తేనెతో కలిపి తగిన మోతాదులో తీసుకుంటే ఆకలి పుడుతుంది.

ద్రాక్ష : ద్రాక్షలో విటమిన్‌-సి ఉంటుంది. అది జీర్ణక్రియను సాఫీగా సాగేలా చేస్తుంది. భోజనం చేశాక కొన్ని ద్రాక్షపళ్లు తినండి. తీసుకున్న ఆహారం తొందరగా జీర్ణమైపోతుంది. ఆకలి కూడా పెరుగుతుంది.