సాధారణంగా వర్షాకాలంలో ఇంట్లో దుర్వాసన వస్తుంటుంది. సూర్యరశ్మి లేకపోవడంతో నేలంతా చిత్తడిగా మారడం, ఎడతెరిపి లేకుండా వర్షపు చినుకులు పడుతుండటంతో ఇల్లు దుర్వాసన వస్తుంది. అయితే, ఈ దుర్వాసన పోగొట్టేందుకు చిన్నపాటి చిట్కాలు పాటిస్తే చాలు.
* వర్షాకాలంలో వర్షం పడిన తర్వాత కిటీకీలు, తలుపులు మూయకండి. వాటిని వీలైనంత వరకు తెరిచే ఉంచండి. దీంతో ఇంట్లో ఉన్న దుర్వాసన దాదాపుగా తగ్గిపోతుంది. ఇలాచేస్తే సూర్యకిరణాలు నేరుగా ఇంట్లో పడతాయి. ఈ వెలుగు సూక్ష్మక్రిములను నశింపచేస్తుంది. బాత్రూం, వంటిట్లో నాణ్యమైన ఎగ్జాస్ట్ ఫ్యాన్స్‌ని విధిగా అమర్చాలి.
