విక్టరీ వెంకటేష్ - మీనా జంటగా నటించిన చిత్రం "అబ్బాయిగారు". ఈ సూపర్ హిట్ మూవీలో హీరోకు పిన్నిగా నటించిన నటి జయచిత్ర. ఈమెకు కారు డ్రైవర్ చేతబడి చేశాడు. పైగా, ఆమె ఇంటిని నకిలీ పత్రాలు సృష్టించి తన ఆధీనంలోకి తెచ్చుకున్నాడు. దీనిపై న్యాయపోరాటం చేసిన జయచిత్ర విజయం సాధించింది.
దీనిపై ఆమె స్పందిస్తూ, తనకు కోడంబాక్కం, రంగరాజపురంలోని భాస్కర్‌ వీధిలో ఓ ఇల్లు ఉంది. తన దగ్గర పని చేసే కారు డ్రైవర్ ఇళమ్ మురుగన్, మీనా దంపతులకు ఆ ఇంటిని అద్దెకు ఇచ్చాను. గత 12 ఏళ్లుగా వాళ్లు అద్దె చెల్లించకుండా అందులో జీవిస్తున్నారు. నమ్మకస్తుడు కావటంతో ఆమె కూడా ఇబ్బంది పెట్టలేదు.
ఈ న్యాయపోరాటంలో అద్దె డబ్బులో కొంత మేరకు రాబట్టినట్టు తెలిపింది. అలాగే, ఇళమ్ మురుగన్‌ను తక్షణమే ఖాళీ చేయాలని న్యాయస్థానం ఆదేశించినట్టు తెలిపారు. కోర్టు తీర్పు సంతోషంగా ఉందన్నారు. కాగా ఈ నెల 20వ తేదీలోగా ఇల్లు ఖాళీ చేయాలని కోర్టు ఇళమ్ మురుగన్‌కు గడువు ఇచ్చిందని, ఆలోగా ఇల్లు ఖాళీ చేయకుంటే పోలీసుల సాయంతో తాళం బద్ధలు కొట్టి ఇంటిని స్వాధీనం చేసుకుంటానని జయచిత్ర వెల్లడించారు.
