సోషల్ మీడియా ప్రభావంతో ఏది తోచితే దాన్ని పోస్ట్ చేయడం.. అభిప్రాయాలను పంచుకోవడం, ఫోటోలను షేర్ చేయడమే కాకుండా.. వింతలు విశేషాలు కూడా అందులో పొందుపరుస్తున్నారు. మీడియా కంటే వేగంగా సోషల్ మీడియా దూసుకుపోతోంది. తాజాగా జర్మనీకి చెందిన ఓ యువకుడు ఫేస్ బుక్, యూట్యూబ్, ఇన్‌స్టాగ్రామ్‌లలో బాగా ఫేమస్ అయిపోయాడు.
ఇంతకీ ఏం చేశాడంటే? జర్మనీకి చెందిన అడ్రియన్ కోజాకీవిజ్ అనే ఇతగాడు కీటకాలను పెంచాడు. అదే అలవాటుగా పెట్టుకున్నాడు. వాటిపై ప్రేమను కనబరిచి.. వాటితో ఆడుకుంటాడు. శరీరంపై ఎక్కించుకుని సరదాపడుతుంటాడు. ముఖంపై అవి పరిగెడుతుంటే హ్యాపీగా ఫీలవుతాడు. ఇలా అతడు పెంచిన కీటకాలతో ఆడుకునే వీడియోలను ఫేస్బుక్, ఇన్‌స్ట్రాగ్రాం, యూట్యూబ్‌లలో పోస్టు చేస్తుంటాడు. దీంతో అడ్రియా ప్రపంచవ్యాప్తంగా ఫేమస్ అయిపోయాడు.
