ఇలాగే, పాక్‌ను ఉద్దేశించిన ట్రంప్ వ్యాఖ్యలు చేసిన కొన్ని గంటల్లోనే పాక్‌కు చైనా దన్నుగా నిలిచింది. ‘పిల్లికి ఎలుక సాక్ష్యం’ అన్నట్లుగా ఉగ్రవాదంపై పోరాడే దేశంలో పాక్ ముందుందంటూ కితాబిచ్చింది. ఈ మేరకు ఆ దేశ విదేశాంగ శాఖ అధికార ప్రతినిధి హువా చునీయాంగ్‌ మాట్లాడుతూ ఉగ్రవాదంపై పోరాడుతున్న దేశాల్లో పాక్ ముందు వరుసలో ఉందన్నారు.
ఉగ్రవాదంపై పోరులో భాగంగా ఆ దేశం త్యాగాలకు పాల్పడుతోందని కితాబిచ్చారు. దేశంలో శాంతి, స్థిరత్వాన్ని నెలకొల్పేందుకు కృషి చేస్తోందని చెప్పారు. పాక్ పోరాటాన్ని అంతర్జాతీయ సమాజం గుర్తించాల్సి ఉందని తెలిపారు. ప్రపంచ శాంతి కోసం అమెరికా, పాక్ కలిసి ఉగ్రవాదంపై పోరాడాలని ఆశిస్తున్నట్లు అభిప్రాయపడ్డారు.
