వివరాల్లోకి వెళితే, కృత్రిమ గర్భధారణ (ఐవీఎఫ్) విధానంలో పిల్లలను కనేందుకు చైనాకు చెందిన ఒక జంట ఫలదీకరణం తమ అండాలను నాన్‌జింగ్ నగరంలోని ఒక ఆసుపత్రిలో భద్రపరచుకున్నారు. అయితే వారు కారు ప్రమాదంలో 2013లోనే చనిపోయారు.
ఆ తర్వాత ఆ శిశువు అవ్వా తాతలు ఆ పిండం కోసం న్యాయ పోరాటం చేసి దానిపై హక్కులు సంపాదించుకున్నారు. అయితే చైనాలో సరోగసీ విధానం చట్టవిరుద్ధం కావడంతో వారు ఆగ్నేయాసియా దేశం లావోస్‌లో ఒక మహిళ అంగీకారంతో ఆ పిండాన్ని అద్దె గర్భంలో ఉంచారు. ఆ తర్వాత ఆ మహిళ గతేడాది డిసెంబర్‌లో పర్యాటక వీసాపై చైనా వచ్చి అక్కడ ప్రసవించింది. అంతేకాకుండా ఆ శిశువు తమ వాడేనని నిరూపించుకునేందుకు అవ్వాతాతలు డిఎన్ఎ పరీక్షలు చేయించుకున్నారు.
