బ్రిటిష్ ఎయిర్ వేస్‌పై హ్యాకర్స్ షాక్.. 3.8 లక్షల క్రెడిట్ కార్డ్స్ బ్లాక్..

శనివారం, 8 సెప్టెంబరు 2018 (15:43 IST)
విమాన సంస్థ బ్రిటిష్ ఎయిర్ వేస్‌కు హ్యాకర్లు షాకిచ్చారు. హ్యాకర్లు బ్రిటిష్ వాళ్ల కంపెనీ వెబ్‌సైట్స్, మెుబైల్ యాప్స్‌పై దాడిచేసి 3.8 లక్షల క్రెడిట్ కార్డుల వివరాలను కనిపెట్టారు. అంతేకాకుండా ఈ యాప్స్ వలన టికెట్ బుక్ చేసుకున్న వారి పేర్లను, మెయిల్ ఖాతా వివరాలను మెుత్తం తెలుసుకున్నారు. ఆగస్టు 21 నుండి సెప్టెంబర్ 5వ తేది మధ్యలో ఈ ఘటన జరిగింది.
  
 
తమ ప్రమేయం లేకుండానే వాళ్ల క్రెడిట్ కార్డును వాడినట్లు పలువురికి మెసేజెస్ వెళ్లాయి. ఈ విషయాలపై స్పందించిన బ్రిటిష్ ఎయిర్వేస్ సీఈవో అలెక్స్ క్రూజ్.. తమ కంపెనీలపై సైబర్ దాడి జరిగినదనీ, దాదాపు 3.8 లక్షల మందికి సంబంధించిన వివరాలు వారి క్రెడిట్ కార్డుల సమాచారాలు హ్యకర్లకు చిక్కిందని చెప్పాడు.
 
ఈ విషయం గురించి బ్రిటిష్ నేషనల్ క్రైమ్ ఏజెన్సీకి ఫిర్యాదు చేశామని, వారు ప్రస్తుతం వాటి వివరాలను తెలుసుకుంటున్నారని క్రూజ్ తెలియజేశాడు. అలానే ఆగస్టు 21 నుండి సెప్టెంబర్ 5 వరకు మా వెబ్‌సైట్స్, యాప్స్ నుండి క్రెడిట్ కార్డు ద్వారా టికెట్ బుక్ చేసిన వారి కార్డులను వెంటనే బ్లాక్ చేయాలని సూచించారు.  

వెబ్దునియా పై చదవండి

సంబంధిత వార్తలు