రికార్డు స్థాయిలో అధిక ద్రవ్యోల్బణంతో పాకిస్తాన్ దేశం కొట్టుమిట్టాడుతోంది. దేశంలో అనేక వస్తువుల ధరలు చుక్కలను చూస్తున్నాయి. డీజిల్ ధర లీటరు 280 రూపాయలకు చేరుకుంది. మిగిలి వస్తువులు వేటికవే విపరీతంగా పెరిగిపోతున్నాయి. దీనితో పాకిస్తాన్ దేశంలోని ప్రజలు అల్లాడిపోతున్నారు. పాకిస్తాన్ దేశంలో ఇప్పుడు బంగారానికి కూడా రెక్కలు వచ్చాయి. అమెరికా డాలర్‌తో పోలిస్తే దేశ కరెన్సీ భారీగా పతనమైపోయింది. జియో టీవీ వెబ్‌సైట్ ప్రకారం, 24 క్యారెట్ల బంగారం 10 గ్రాముల ధర ఏకంగా 2.06 లక్షల రూపాయలకు చేరుకుంది.
