ఇప్పటికే అమెరికా అధ్యక్షుడు డొనాల్డ్ ట్రంప్ టీమ్‌లో కీలకంగా ఉన్న అధికారులు టిక్టాక్ గురించి ప్రస్తావించగా.. ఈ సారి ఏకంగా.. అధ్యక్షుడు ట్రంప్ నోటి వెంట కూడా టిక్ టాక్ మాట వినిపించింది. టిక్‌టాక్‌పై తమ ప్రభుత్వం నిషేధం విధించే అవకాశం ఉందని.. టిక్టాక్ వ్యవహారాన్ని పరిశీలిస్తున్నామని.. టిక్‌టాక్‌పై మా ప్రభుత్వం నిషేధం విధించవచ్చు అని.. నిషేధానికి బదులు రెండు ఆలోచనలు కూడా మా ముందు ఉందంటూ పేర్కొన్నారు ట్రంప్.
మరోవైపు.. టిక్‌టాక్‌ను తమ చైనా మాతృ సంస్థ నుంచి జాతీయ భద్రతా ప్రాతిపదికన విడదీయాలని ట్రంప్ ఆదేశిస్తున్నట్లు మీడియా నివేదికలు శుక్రవారం తెలిపాయి. మరోవైపు టిక్‌టాక్‌ను కొనుగోలు చేయడానికి మైక్రోసాఫ్ట్ చర్చలు జరుపుతున్నాయని, వీటిని పదిలక్షల డాలర్ల విలువైనదిగా పరిగణించవచ్చునని మీడియాలో వార్తలు వస్తున్నాయి.
