ఐఎస్ ఉగ్రవాద సంస్థ కొత్త చీఫ్‌గా అబూ ఇబ్రహీం అల్ హష్మీ ఎంపికయ్యారని ఆ సంస్థ సెంట్రల్ మీడియా, అల్ ఫుర్కాన్ ఫౌండేషన్ అధికార ప్రతినిధి గురువారం ఒక ఆడియో ప్రకటన విడుదల చేశారు. అబూ బకర్ అల్ బాగ్దాదీతోపాటు అతని సన్నిహిత అనుచరుడు అబు హసన్ అల్ ముహాజిర్ మరణించారని ఐఎస్ అధికార ప్రతినిధి తన ఆడియో సందేశంలో ధ్రువీకరించారు.
అమెరికన్లను ఉద్ధేశించి అధికార ప్రతినిధి మాట్లాడుతూ.. బాగ్దాదీ మృతిపై ‘సంతోషించవద్దు’ అని పేర్కొన్నారు. ఐఎస్ కొత్త నాయకుడు పండితుడు, ప్రసిద్ధ యోధుడు, యుద్ధ వీరుడని, అతను అమెరికన్ దళాలతో పోరాడుతాడని అధికార ప్రతినిధి విడుదల చేసిన ఆడియో సందేశంలో పేర్కొన్నాడు.
