మద్యం అమ్మే బారుకు నెమలి వెళ్ళింది. నెమలి బీర్ షాపులోకి వెళ్లగానే బార్ యజమాని జూ అధికారులకు సమాచారం ఇచ్చారు. అయితే అటవీ శాఖ సిబ్బంది షాపుకు చేరుకునేలోపే బీర్ సీసాలను నెమలి పగులకొట్టింది. ఈ ఘటన కాలిఫోర్నియాలో చోటుచేసుకుంది. నెమలి బీర్ బాటిల్స్‌ని కిందకు తోసేయడంతో దాదాపు రూ.30 వేల వరకు నష్టం ఏర్పడింది. చివ‌రకి జూ సిబ్బంది దానిని పట్టుకుని తీసుకెళ్లారు.
ఈ ఘటన గురించి జూ అధికారులు మాట్లాడుతూ ఆ నెమలి అడ‌వి నుంచి త‌ప్పిపోయి ఆర్కాడియా ప్రాంతంలో ఉన్న రాయల్‌ ఓక్‌ లిక్కర్ దుకాణానికి వెళ్లింది. అక్కడికి వెళ్లగానే కస్టమర్లు జడుసుకున్నారు. ఇంకా నెమలి కూడా అక్కడి కస్టమర్లపైకి కూడా దూకుతూ వారు బెదిరిపోయేలా చేసింద‌న్నారు. ఈ నెమలిని ప‌ట్టుకునేట‌ప్పుడు తీసిన ఓ వీడియో ఇప్పుడు సోష‌ల్ మీడియాలో వైర‌ల్‌గా మారింది. వలతో కూడిన గరిటె లాంటి దానితో నెమలిని పట్టుకునే ప్రయత్నం చేశారు. అంతలో అది కాస్త ఎగురుతూ బీర్ బాటిల్స్‌ను కిందకు తోసేసిందని సిబ్బంది వెల్లడించారు.
