ఇందులో భాగంగా "పాకిస్థాన్, బంగ్లాదేశ్, చాద్, మయన్మార్‌ దేశాలకు చెందిన అమ్మాయిల్ని పెళ్లి చేసుకోవద్దు"అంటూ సౌదీ అరేబియా పాలకులు ఆదేశాలు జారీ చేసిందని ఆ విషయాన్ని సాక్షాత్తు సౌదీ మీడియానే చెబుతోందని పాకిస్థాన్‌కి చెందిన డాన్ రిపోర్ట్ చేసింది. ఇది తీవ్ర కలకలం రేపుతోంది.
సౌదీ అరేబియాలో ఈ నాలుగు దేశాలకు చెందిన 5 లక్షల మంది మహిళలు ఉన్నారు. ఇప్పటి వరకూ విదేశీయులను వివాహం చేసుకోవటానికి సౌదీ అరేబియా పురుషులకు ఎటువంటి ఆంక్షలు లేవు. ఎటువంటి ఇబ్బందీ పడేవారు కాదు. ఇప్పుడు సౌదీ ప్రభుత్వం ఈ నాలుగు దేశాలకు చెందిన యువతుల్ని వివాహం చేసుకోవద్దనంటూ ప్రకటించిందనే విషయం సౌదీలోనే కాదు ఆయా దేశాల్లో కలకలం రేపుతోంది.
ఆదేశాలతో ఈ దేశాల మహిళల్ని పెళ్లి చేసుకుంటే… ముఖ్యంగా పాకిస్థాన్, బంగ్లాదేశ్, చాద్, మయన్మార్‌ దేశాలకు చెందిన అమ్మాయిల్ని పెళ్లి చేసుకుంటే కఠిన నిబంధనలు అడ్డొస్తాయని మక్కా డైలీ రిపోర్ట్ చేసింది.
