విద్యాబుద్ధులు నేర్పాల్సిన కొంతమంది టీచర్లు దారి తప్పుతున్నారు. విద్యార్థులపై లైంగిక దాడికి పాల్పడి హింసకు పాల్పడుతున్నారు. తాజాగా అలాంటి ఘటనే ఒకటి లండన్‌లో చోటుచేసుకుంది. 32 ఏళ్ల టీచర్.. 2014లో ఓ విద్యార్థిపై కన్నేసింది.
అప్పటి నుంచి లైంగికంగా ఆ స్టూడెంట్‌ని వేధిస్తూనే ఉంది. ఆమె పేరు మాక్రోబ్. లండన్‌లోని ఆక్స్‌ఫర్డ్‌షైర్ వాల్లింగ్‌ఫోర్డులో ఈ దారుణాలకు పాల్పడింది. దీంతో బాధిత విద్యార్థి న్యాయస్థానాన్ని ఆశ్రయించాడు.
ఆ బాలుడుని కోర్టు వివరాలు అడగ్గా ఒక్కసారిగా బోరున ఏడ్చేశాడు. తనను టీచర్ లైంగికంగా వేధిస్తోందనీ.. ఎన్నిసార్లు వద్దన్నా వినకుండా హింసించిందని కన్నీరుమున్నీరుగా విలపించాడు.
ఎన్నోసార్లు పారిపోవాలనుకున్నాననీ కానీ ఆ టీచర్ అలాంటి అవకాశాలు ఇవ్వకుండా వేధించిందని బోరుమన్నాడు. తాను ఓ అమ్మాయితో క్లోజ్‌గా ఉండటాన్ని సదరు టీచర్ చూసిందని అప్పటి నుంచి తనను బెదిరించి ఇలా దారుణాలకు పాల్పడిందని ఆరోపించాడు.
టీచర్ కారణంగా తాను సరిగా చదువుకోలేకపోయాననీ... ఈ ఆరేళ్లూ తన జీవితంలో అత్యంత విషాదకరమైన కాలం అని విద్యార్థి విలపించాడు. ఇదంతా విన్న కోర్టు... ఆ టీచర్‌కి రెండేళ్ల కఠిన కారాగార శిక్ష విధించింది.
