రష్యా దాడులతో ఉక్కిరిబిక్కిరి అవుతున్న ఉక్రెయిన్ దేశంలో మరో పెను విషాదం చోటుచేసుకుంది. ఈ దేశంలో జరిగిన హెలికాఫ్టర్ ప్రమాదంలో హోం మంత్రితో పాటు 16 మంది మృత్యువాతపడ్డారు. కీవ్ నగర శివారు ప్రాంతంలో జరిగిన ఈ ప్రమాదంలో హోం మంత్రి, డిప్యూటీ హోం మంత్రి మృతి చెందారు. మొత్తం 16 మంది చనిపోగా, వారిలో ముగ్గురు చిన్నారులు కూడా ఉన్నారు.
కాగా, హెలికాఫ్టర్ కూలిపోయిన వెంటనే స్పందించిన అధికారులు కిండర్ గార్డెన్‌లోని చిన్నపిల్లలను, సిబ్బందిని సురక్షితంగా తరలించారు. పాఠశాల భవనం వద్ద హెలికాఫ్టర్ శకలాలు చెల్లాచెదురుగా పడ్డాయి. పైగా, ఈ ప్రమాదం జరిగిన ప్రాంతంలో వెలుతురు కూడా సరిగా లేదని, దట్టమైన పొగమంచు అలముకుని ఉందని తెలుస్తోంది.
