ఎంతో పకడ్బందీగా, అత్యంత క్రమశిక్షణతో ట్రంప్ తన ప్రచారాన్ని నిర్వహించడం వెనుక ఆమె ముఖ్య పాత్ర పోషించారు. ట్రంప్ తన విజయ ప్రసంగంలో ఆమెకు మాట్లాడేందుకు అవకాశం ఇచ్చినా, సూసీ సున్నితంగా నిరాకరించారు.
"సూసీ వైల్స్ చాలా కఠినమైన, తెలివైన, వినూత్న ఆలోచనలు కలిగిన వ్యక్తి. ప్రపంచవ్యాప్తంగా ఆమె గౌరవం, ప్రశంసలు పొందారు. అమెరికాను మళ్లీ గొప్పగా మార్చేందుకు అవిశ్రాంతంగా కృషి చేస్తారు. దేశం గర్వపడేలా ఆమె పనిచేస్తారనడంలో ఎలాంటి సందేహం లేదు" అని ట్రంప్ వెల్లడించారు. కాగా వైల్స్కు విస్తృతమైన ఫెడరల్ ప్రభుత్వ అనుభవం లేనప్పటికీ, ఆమె అధ్యక్షులుగా ఎన్నికైన వారితో సన్నిహిత సంబంధాన్ని కలిగి ఉన్నారు.
