ఆయన సన్నబడ్డారనే వార్తలు ప్రపంచ వ్యాప్తంగా జనాలను ఆసక్తి రేపుతుంటే.. కిమ్ అలా కనిపించడంపై ఉత్తర కొరియా ప్రజలు మాత్రం ఆందోళనకు గురవుతున్నారు. తమ ప్రియతమ నేతకు ఏమైందో అని తెగ బెంగ పడిపోతున్నారు. ఎప్పుడూ బొద్దుగా కనిపించే కిమ్ ఇప్పుడు సన్నబడటంతో ఆయన ఆరోగ్యం చెడిందన్న వార్తలు వినిపిస్తున్నాయి. అయితే కిమ్ బరువు తగ్గడానికి గల కారణాలపై వివరణ లేదు.
కానీ ఇంతకుముందు 140 కిలోల బరువుండే కిమ్ ప్రస్తుతం 10 నుంచి 20 కిలోల వరకు బరువు తగ్గివుండవచ్చని అంచనా వేస్తున్నారు. అంతకముందు, ప్రస్తుతం బరువు తగ్గిన కిమ్ వీడియోలు సోషల్‌ మీడియాలో వైరల్‌గా మారాయి. కేవలం 4 నెలల సమయంలోనే కిమ్ ఇలా మారిపోయినట్లు రాయ్‌టర్స్ ట్విటర్‌లో ఓ వీడియో పోస్ట్ చేసింది. దీనిపై నెటిజన్లు స్పందిస్తూ కిమ్ 'ఒకవేళ డైట్‌లో ఉన్నారేమో' అంటూ కామెంట్స్‌ చేస్తున్నారు.
