టెలికాం రంగ సంచలనం రిలయన్స్ జియో మరో బంపర్ ఆఫర్‌ను ప్రకటించింది. తమ మొబైల్ వినియోగదారులు అడక్కుండానే రోజుకు 4.5జీబీ డేటాను ఉచితంగా ఇవ్వనుంది. అయితే, ఈ డేటా పొందాలంటే నెలకు రూ.299 ప్లాన్‌లో రీచార్జ్ చేయించుకోవాల్సి ఉంది. ఈ ప్యాక్ కాలపరిమితి 28 రోజులు.
ఈ ఆఫర్ ప్రకటించడానికి గల కారణాలు లేకపోలేదు. త్వరలోనే ఐడియా - వోడాఫోన్ టెలికాం కంపెనీలు ఒక్కటి కానున్నాయి. ఇదే జరిగితే టెలికాం రంగంలో ఐడియా అతి పెద్ద కంపెనీగా అవతరించనుంది. దీంతో ధరల యుద్ధం మరోసారి తెరపైకి వచ్చింది. ఐడియా-వొడాఫోన్ విలీనం పూర్తయ్యిందన్న సమాచారం తెలిసిన వెంటనే జియే ఈ తరహా ఆఫర్‌ను ప్రకటించడం గమనార్హం.
