భారతదేశపు అగ్రగామి వినియోగదారుల ఎలక్ట్రానిక్స్ బ్రాండ్ అయిన శామ్సంగ్, 2025 సంవత్సరానికై ఓడిస్సీ గేమింగ్ మానిటర్ల లేటెస్ట్ లైనప్‌ను ప్రకటించింది. ఇందులో గ్లాసెస్-రహిత 3D అనుభూతిని అందించే ఒడిస్సీ 3D, పరిశ్రమలో మొట్టమొదటిసారిగా 4K 240Hz రిఫ్రెష్ రేట్‌తో వచ్చిన ఒడిస్సీ OLED G8, అల్ట్రా-ఇమ్మర్సివ్ అనుభూతిని ఇచ్చే కర్వ్డ్ డిజైన్‌లో ఒడిస్సీ G9 వంటి అధునాతన మోడళ్లను ప్రవేశపెట్టింది.
ఇమ్మర్షన్, అధిక పనితీరును మెరుగుపరిచే లక్ష్యంతో రూపొందించబడిన ఈ మానిటర్లు, గేమర్లు, కంటెంట్ సృష్టికర్తలు, అత్యుత్తమ దృశ్య నమ్మకతను కోరుకునే నిపుణుల అవసరాలను తీర్చేలా రూపొందించబడ్డాయి. కొత్తగా ప్రవేశపెట్టిన 27 అంగుళాల ఒడిస్సీ 3D (G90XF మోడల్) మానిటర్, దాని విప్లవాత్మక గ్లాస్-ఫ్రీ 3D గేమింగ్ అనుభవంతో భారత మార్కెట్లో ఒక గేమ్ ఛేంజర్‌గా నిలవనుంది.
27", 32" సైజులలో అందుబాటులో ఉన్న ఒడిస్సీ OLED G8 (G81SF మోడల్) 240Hz రిఫ్రెష్ రేట్‌తో ప్రపంచంలోని మొట్టమొదటి 4K OLED మానిటర్‌గా పరిశ్రమలో కొత్త బెంచ్‌మార్క్‌ను స్థాపిస్తోంది. అదే సమయంలో, ఒడిస్సీ G9 (G91F మోడల్) 49" డ్యూయల్ QHD డిస్‌ప్లే, 1000R కర్వ్డ్ స్క్రీన్‌తో అల్ట్రా-వైడ్ విజువల్ అనుభూతిని అందిస్తుంది. ముఖ్యంగా 32:9 లేదా 21:9 అనుపాతాల్లో గేమింగ్‌కి ఇది అత్యుత్తమ విజువల్స్‌ను అందించడంలో సమర్థంగా పనిచేస్తుంది.
"శామ్‌సంగ్‌లో, అత్యాధునిక డిస్‌ప్లే సాంకేతికతను ప్రజాస్వామ్యీకరించడం, ప్రపంచ స్థాయి ఆవిష్కరణలను భారతీయ వినియోగదారులకు అందుబాటులోకి తీసుకురావడం మా ప్రధాన కట్టుబాటు. తాజా ఒడిస్సీ 3D, ఒడిస్సీ OLED G8 మరియు ఒడిస్సీ G9 మానిటర్ల పరిచయంతో, మేము భారత మార్కెట్లో గ్లోబల్ ఫస్ట్‌ను తీసుకురావడమే కాదు, గేమర్లకు ఇమ్మర్షన్, వేగం మరియు విజువల్ ఎక్సలెన్స్‌ను మరింత ఉత్తమంగా ఆస్వాదించే దిశగా మెరుగుపరుస్తున్నాము," అని మిస్టర్. పునీత్ సేథీ, వైస్ ప్రెసిడెంట్, ఎంటర్‌ప్రైజ్ బిజినెస్, శామ్సంగ్ ఇండియా అన్నారు.
అధునాతన కంటి-ట్రాకింగ్ టెక్నాలజీ, వ్యూ మ్యాపింగ్ అల్గారిథమ్స్‌తో రూపొందించబడిన ఈ మానిటర్, హై-డెఫినిషన్, అద్భుతమైన 3D విజువల్స్‌ను అందిస్తుంది, ఇవి గేమ్స్‌, వీడియో కంటెంట్‌ను మరింత సజీవంగా ప్రదర్శిస్తాయి. అంతేకాక, ఇందులో అందుబాటులో ఉన్న రియాలిటీ హబ్ యాప్ వీడియో కంటెంట్‌ను గుర్తించి, దాన్ని 3D రూపంలో ప్రదర్శించేందుకు వినియోగదారులకు ఎంపికను కూడా కల్పిస్తుంది.
ఈ నెక్స్ట్-జెన్ 3D టెక్నాలజీని ఆప్టిమైజ్ చేయడానికి ది ఫస్ట్ బెర్సెర్కర్: ఖజాన్ కోసం నెక్సాన్‌తో సహా ప్రధాన గ్లోబల్ గేమ్ డెవలపర్లతో శామ్సంగ్ చురుకుగా సహకరిస్తోంది. గేమింగ్‌కు మాత్రమే కాకుండా, ఒడిస్సీ 3Dలో AI ఆధారిత వీడియో మార్పిడి సాంకేతికత కూడా ఉంది, ఇది ప్రామాణిక కంటెంట్‌ను 3D రూపంలోకి మార్చి దాదాపు ప్రతి కంటెంట్‌కు కొత్త ప్రాణం పోస్తుంది. 165Hz రిఫ్రెష్ రేట్, 1ms రెస్పాన్స్ టైమ్, AMD ఫ్రీసింక్ సపోర్ట్ వంటి ఫీచర్లతో, ఒడిస్సీ 3D మృదువైన, లాగ్-ఫ్రీ గేమ్‌ప్లేను నిర్ధారిస్తుంది. అదనంగా, అంతర్నిర్మిత స్పీకర్లతో కూడిన స్పేషియల్ ఆడియో, ఎడ్జ్ లైటింగ్ ఫీచర్లు గేమింగ్ అనుభవాన్ని మరింత పెంచుతాయి. స్క్రీన్‌లో జరిగే ప్రతి మూమెంట్ మీ చుట్టూ నిజంగా జరుగుతున్నట్లే అనిపించేలా చేస్తాయి.
