వాట్సప్‌లోని 'కాల్‌' సెక్షన్‌లోకి వెళ్లి లింక్‌ను సృష్టించొచ్చు. అయితే, ఇందుకోసం వాట్సాప్ కొత్త వెర్షన్‌కు అప్‌డేట్‌ చేసుకోవాల్సి ఉంటుంది. ఈ విషయాన్ని వాట్సప్‌ మాతృసంస్థ 'మెటా' సీఈవో మార్క్‌ జుకెర్‌బర్గ్‌ సోమవారం ఫేస్‌బుక్‌ వేదికగా ఈ విషయాలను వెల్లడించారు.
ఇదిలావుంటే, వాట్సప్‌లో ఒకేసారి 32 మంది గ్రూప్‌ వీడియోకాల్‌ మాట్లాడుకునేందుకూ వీలు కల్పించాలని ప్రయత్నిస్తున్నట్లు ఆయన తెలిపారు. సంబంధిత ప్రయోగ పరీక్షలు ప్రస్తుతం కొనసాగుతున్నాయని, ఇవి త్వరలోనే సానుకూల ఫలితాలు లభిస్తాయని భావిస్తున్నట్టు వెల్లడించారు.
