ఫేస్ బుక్ వాడుతున్నారా.. అయితే ఆ లక్కీ చాన్స్ మీకే రావచ్చు!
సోమవారం, 1 ఏప్రియల్ 2013 (12:32 IST)
FILE
మీరు ఫేస్ బుక్ వాడుతున్నారా.. ? అయితే ఇక మిమ్మల్ని కూడా అదృష్టం వరించవచ్చు. ఇకపై ఫేస్ బుక్ తన యూజర్లకు డబ్బుల వర్షం కురిపించనుంది. తద్వారా మీకు ఫేస్ బుక్ అకౌంట్ లేకుంటే లక్కీ చాన్స్‌ను మిస్ చేసుకున్నట్లే.
ఫేస్ బుక్ లో ప్రతిరోజూ మీరు పోస్టులు, కామెంట్లతో సందడి చేస్తుంటే చాలు. ఆ లక్కీ చాన్స్ మీకే రావచ్చు. ఫేస్ బుక్ ఇంకా అధికారికంగా ప్రకటించలేదు కానీ, దీనికి సంబంధించిన ప్రయోగాలు జరుగుతున్నాయని సమాచారం మాత్రం లీక్ అయ్యింది.
ఫేస్ బుక్ ఇలా తన యూజర్లందరికీ నగదు ప్రయోజనాలు అందించదు. కేవలం చాలా యాక్టివ్‌గా ఉన్న సభ్యుల నుంచి కొంత మందిని ఎంపిక చేసి, ఫేస్ బుక్ లో వారి ప్రతీ యాక్టివిటీకి కొంత నగదు చెల్లిస్తుంది. ఫేస్ బుక్‌లో యాక్టివిటీ పరంగా టాప్ పొజిషన్ లో ఉన్న 4 శాతం మందికి చెల్లించవచ్చని సమాచారం. ఫ్రెండ్స్, ఫాలోవర్స్‌తో సంబంధం లేకుండా యాక్టివిటీ ఎక్కువగా ఉన్న వారికి ఈ ప్రయోజనం అందించాలని ఫేస్ బుక్ యోచనగా తెలుస్తోంది.
దీనిని ఇప్పటికే న్యూజిలాండ్‌లో కొంతమందిపై ప్రయోగాత్మకంగా పరీక్షిస్తోందని సమాచారం. ఒక్కో యాక్టివిటీకి ఒక డాలర్ చెల్లించవచ్చని సమాచారం.
