ప్రధాని నరేంద్ర మోదీ తాను ఈ దేశానికి చౌకీదారుని అంటూ ప్రచారం చేసుకుంటున్న సంగతి తెలిసిందే. చౌకీదారు అంటే కాపలాదారు అని అర్థం. ఇటీవల మోదీ మై బీ చౌకీదార్ అనే ప్రచారాన్ని మొదలుపెట్టారు. తన ట్విట్టర్ అకౌంట్‌లో ఉండే పేరుకు ముందు కూడా చౌకీదార్ అని చేర్చారు. మోదీ క్యాబినెట్ మినిస్టర్‌లు సైతం మోదీ బాట పట్టారు. వారు కూడా తమ ట్విట్టర్ అకౌంట్ల‌లో పేరు ముందు చౌకీదార్ అని జోడించారు.
ఈ నేపథ్యంలో హర్యానాకు చెందిన బీజేపీ మంత్రి అనిల్ విజ్ ఓ సెటైర్ వేశారు. కాంగ్రెస్ పార్టీ నేతలు తమ ట్విట్టర్ అకౌంట్ల పేరు ముందు పప్పూ అని జోడించుకోవాల‌ని కోరారు. కాంగ్రెస్ పార్టీ అధ్యక్షుడు రాహుల్ గాంధీని పప్పూ అంటూ విపక్ష నేతలు వెటకారంగా సంభోదిస్తున్నారు. ఈ క్రమంలోనే అకౌంట్ల పేరు ముందు పప్పూ అని పెట్టుకుంటే తమకు ఎలాంటి అభ్యంతరం లేదని మంత్రి అనిల్ విమర్శలు చేసారు.
