దక్షిణాఫ్రికా క్రికెటర్ జాంటీ రోడ్స్ కుమార్తె ఇండియా రెండో పుట్టిన రోజు సందర్భంగా ప్రధాని నరేంద్రమోదీ ఇండియా నుంచి జన్మశుభాకాంక్షలు తెలిపారు. ఈ సందర్భంగా ఆయన పంపిన హ్యాపీ బర్త్‌డే ఇండియా, ప్రమ్ ఇండియా అనే సందేశం చాలామందికి ఆసక్తి కలిగించింది. దక్షిణాఫ్రికా అద్బుత క్రికెటర్ జాంటీ రోడ్స్‌కి 2015 ఏప్రిల్‌లో ఒక కుమార్తె పుట్టింది. ఆశ్చర్యమేమిటంటే ఆమెకు అతడు ఇండియా అని పేరు పెట్టాడు. భారతదేశం పట్ల తన ప్రేమను వ్యక్తీకరించేందుకు, భారత సుసంపన్న మిశ్రమ సంస్కృతి, వారసత్వం, సంప్రదాయాలను గౌరవించేందుకు తన కూతురికి ఇండియా అని పేరు పెట్టినట్లు రో్డ్స్ తెలిపాడు.
క్రికెట్ మైదానంలో ఫీల్డింగులో జాంటీ రోడ్స్ చేసిన ఏరోబిక్ విన్యాసాలు క్రికెట్ ప్రపంచాన్ని నివ్వెరపరచాయి. తన కుమార్తెకు ఇండియా అని పేరు పెట్టుకున్న వైనం ప్రదాని నరేంద్రమోదీకి ఎలా తెలిసిందో కానీ హ్యాపీ బర్త్‌డే ఇండియా, ప్రమ్ ఇండియా అంటూ ఆదివారం ఆ చిన్నారికి సందేశం పంపారు.
