ఇటీవలి కాలంలో క్రూరజంతువులు, మూగజీవాలు జనసంచార ప్రాంతాల్లోకి ప్రవేశిస్తున్నాయి. వీటిలో కొన్ని క్రూరమృగాలు మనుషులపై దాడి చేసి చంపేస్తున్నాయి. మరికొన్ని మూగజీవులు మనుషుల చేతుల్లో వున్న ఆహార పదార్థాలను ఎత్తుకెళుతున్నాయి. తాజాగా ఓ కోతికి సంబంధించిన వీడియో సోషల్‌ మీడియాలో తెగ వైరల్‌ అవుతుంది.
హై సెక్కూరిటీ ఎరియాగా ఉండే ఎయిర్‌ పోర్ట్‌లో ఎంతో మంది భద్రతా సిబ్బంది కళ్లను కప్పిన వానరం హుందాగా ఎంట్రీ ఇచ్చింది. అక్కడితో ఆగని ఆ వానరం.. ఓ డ్రింక్ స్టాల్ వద్ద ఆగమాగం చేసింది. తనకు అందిన శీతలపానీయాలు, జ్యూస్ బాటిళ్లను తీసుకుని ఎంచక్కా తాగేసింది. అలాగే, తన వద్దకు వచ్చేందుకు ప్రయత్నించిన ప్రయాణికులను భయభ్రాంతులకు గురిచేసింది.
