సాధారణంగా వివాహం అంటే నూరేళ్ళ పంట అన్నారు మన పెద్దలు. కానీ, ఉత్తరప్రదేశ్ రాష్ట్రంలో సంభాల్ జిల్లాలో పెళ్లి అయిన గంటకే ఓ జంట విడాకులు తీసుకుంది. ఆ తర్వాత ఆమెను తన తమ్ముడికిచ్చి పెళ్లి చేశారు. తాజాగా వెలుగులోకి వచ్చిన ఈ వివరాలను పరిశీలిస్తే,
తాను జీవించివుండగా, రెండో పెళ్లి ఎలా చేసుకుంటావు అని భర్తతో గొడవకు దిగింది. గొడవ పెద్దది కావడంతో గ్రామపెద్దలు అక్కడికి చేరారు. మరోవైపు, భార్యకు నచ్చజెప్పేందుకు పెళ్లి కొడుకు వేషధారణలో ఉన్న భర్త ప్రయత్నించినప్పటికీ ఆమె వినిపించుకోలేదు. విషయం పోలీసులకు చేరడంతో వారొచ్చి వారిని పోలీస్ స్టేషన్‌కు తీసుకెళ్లారు.
మరో వైపు గ్రామపెద్దలు సమావేశమై ఈ సమస్యకు ఓ చక్కని పరిష్కారం కనుగొన్నారు. గంట క్రితం మనువాడిన రెండో భార్యకు విడాకులిచ్చి.. ఆమెను అతని తమ్ముడికిచ్చి పెళ్లి చేయాలని ప్రతిపాదించారు. దీంతో ఎలాంటి సమస్య ఉండదని, ఇద్దరు మహిళలకు న్యాయం చేసినట్టువుతుందని సర్ది చెప్పారు. ఈ సలహా నచ్చడంతో మొదటి భార్య కూడా మిన్నకుండిపోయింది. దీంతో ఒక గంట క్రితం వివాహం చేసుకున్న మహిళకు విడాకులిచ్చిన భర్త.. ఆమెను తన తమ్ముడికిచ్చి పెళ్లి చేయించాడు. దీంతో పోలీసు కేసుల గొడవ లేకుండానే సమస్య పరిష్కారమైంది.
