పశ్చిమ బెంగాల్‌ సీఎం మమతా బెనర్జీ తల పగిలినా, కాలు విరిగినా ఆమె గుండె నిబ్బరంగానే ఉందని సమాజ్‌వాదీ పార్టీ ఎంపీ జయా బచ్చన్ తెలిపారు. టీఎంసీకి మద్దతుగా ప్రచారం కోసం సోమవారం ఆమె కోల్‌కతా వచ్చారు. మమత తల పగులగొట్టారు, కాలు విరగొట్టారు కానీ వారు (బీజేపీ నేతలు) ఆమె గుండె, మెదడును దెబ్బతీయలేకపోయారని విమర్శించారు.
మరోవైపు బెంగాల్‌కు జయా బచ్చన్ రాకను తాను స్వాగతిస్తున్నట్లు బీజేపీ అభ్యర్థి బాబుల్‌ సుప్రియో తెలిపారు. ఆమె తనకు చాలా తెలుసని, కుటుంబ వ్యవహారాల గురించి మాట్లాడబోనని చెప్పారు. జయా బచ్చన్ బీజేపీకి వ్యతిరేకంగా మాట్లాడవచ్చని, అయితే ఎప్పుడూ కూడా తనకు వ్యతిరేకంగా ఆమె మాట్లాడలేదని గుర్తు చేశారు.
