శివాజీ చరిత్ర ప్రచారంలో.. మహారాష్ట్రతో పాటు, దేశంలోని వివిధ ప్రాంతాల్లో ఛత్రపతి శివాజీ మహారాజ్ చరిత్రను ప్రచారం చేయడంలో పురందరే ప్రఖ్యాతిగాంచారు. 'రాజా శివఛత్రపతి' పేరుతో పురందరే.. 900 పేజీల పుస్తకాన్ని మరాఠీలో రచించారు. రెండు భాగాలుగా విడుదలైన ఈ పుస్తకం 1950 చివర్లో తొలిసారి ముద్రణ కాగా.. అనేక సార్లు పునర్ముద్రణకు నోచుకుంది.
1980 మధ్యలో 'జనతా రాజా' పేరుతో శివాజీ చరిత్రపై ఓ నాటకాన్ని ఆయన రచించి, దర్శకత్వం వహించారు. శివాజీపై పురందరే 12వేలకు పైగా ప్రసంగాలు ఇచ్చారు. 2015లో పురందరేను మహారాష్ట్ర ప్రభుత్వం మహారాష్ర భూషణ్ పురస్కారంతో సత్కరించగా.. పురందరే మృతిపై ప్రధానమంత్రి నరేంద్ర మోదీ దిగ్భ్రాంతి వ్యక్తం చేశారు.
