తాజాగా అదనపు కట్నం తేకపోతే.. తొలిరాత్రి జరగబోదని, తన బెడ్ రూమ్‌కు రాకూడదని ఓ భర్త భార్యకు షరతు పెట్టాడు. అంతేగాకుండా ఇంట్లోనే చిత్రహింసలకు గురిచేశాడు. ఈ చిత్ర హింసలు ఏడాది పాటు భరించిన ఆ మహిళ.. ఇక లాభం లేదని పోలీసులకు ఫిర్యాదు చేసింది. ఈ ఘటన బెంగళూరులో వెలుగులోకి వచ్చింది.
అదనపు కట్నం తెచ్చేందుకుగాను పుట్టింటికి వెళ్లకపోతే చంపేస్తానని కూడా మహేష్ బెదిరించినట్లు బాధిత మహిళ పోలీసులకు ఫిర్యాదు చేసింది. భర్తతో పాటు ఆయన కుటుంబీకులు సైతం తనను ఏడాది పాటు చిత్రహింసలకు గురిచేశారని బాధితురాలు పోలీసులకు ఫిర్యాదు చేసింది. భర్త వేధింపులు తట్టుకోలేక 2017 జనవరి 23వ తేదిన తను పుట్టింటికి వెళ్లిపోయానని, అయినా భర్త వేధింపులు ఆగలేదని.. అందుకే పోలీసులకు ఫిర్యాదు చేసినట్లు బాధితురాలు వాపోయింది.
