ముస్లిం మహిళలూ కోర్టుకు రావాల్సిన పనిలేకుండానే ఇస్లాం చట్టాల ప్రకారం విడాకులు తీసుకోవచ్చని తీర్పు చెప్పింది. ఫ్యామిలీ కోర్టుల్లో పరిష్కారం కాని వివిధ కేసుల విచారణ చేస్తున్న సందర్భంగా ధర్మాసనం ఈ కీలక తీర్పును వెలువరించింది. కోర్టుకు రాకుండా విడాకులు తీసుకునే హక్కు ముస్లిం మహిళలకు లేదని 1972లో 'కేసీ మోయిన్ వర్సెస్ నఫీసా తదితరులు' కేసులో ఏకసభ్య ధర్మాసనం ఇచ్చిన తీర్పును కొట్టివేసింది.
ఈ సందర్భంగా జస్టిస్ ఎ. మహ్మద్ ముస్తాఖ్, జస్టిస్ సీఎస్ దియాస్ ల ధర్మాసనం పలు కీలక వ్యాఖ్యలు చేసింది. ముస్లింలకు పరమ పవిత్రమైన ఖురాన్ ముస్లిం పురుషులు, మహిళలకు విడాకులు తీసుకునే విషయంలో సమాన హక్కులను కల్పించిందని తెలిపింది.
షరియా చట్టం పరిరక్షణలోని ఇస్లాం చట్టాలు గుర్తించిన తలాఖ్ ఈ తాఫీజ్, ఖులా, ముబారాత్, ఫస్క్ అనే నాలుగు పద్ధతుల విడాకులను ప్రస్తావించింది ధర్మాసనం. వాటిలోని మూడు పద్ధతుల ప్రకారం ముస్లిం మహిళలు విడాకులు తీసుకోవచ్చని తీర్పునిచ్చింది.
